Ош шаарында ноутбук уурдоого шектелип 3 жигит кармалды. Бул тууралуу шаардык милициядан билдиришти.

Маалыматка караганда, 9-январга караган түнү белгисиз адамдар А.Навои көчөсүндөгү электрондук техника саткан дүкөндүн эшигин бузуп кирип, 5 ноутбук жана алардын аксессуарларын уурдап кеткен. Бул боюнча дүкөндүн ээси милицяга кайрылган. Ага келтирилген материалдык зыян 200 миң сомду түзгөн.

Бул факт боюнча Кылмыш-жаза кодексинин 205-беренеси (уурдоо) боюнча кылмыш иши козголгон.

Ыкчам-тергөө иштеринин натыйжасында шектүү катары 2006-жылы туулган С.К., 2003-жылы төрөлгөн Р.А. жана 2004-жылы туулган Б.К. уулу кармалган. Шектүүлөр уурдалган 3 ноутбукту күрөөканаларга 13 миң, 8 миң жана 13 миң сомго коюп, 2 ноутбукту сатууга жетишпей калган.

Милициядан билдиришкендей, тергөө иштеринин жүрүшүндө аталган топ ушул сыяктуу кылмыштарга катыштыгы бар экендиги, дагы бир нече дүкөнгө уурулукка киргендиги аныкталган.

Шектүүлөр убактылуу кармоочу жайга камакка алынган.

[image_carousel source=”media: 204716,204717,204718″ limit=”20″ slides_style=”photo” controls_style=”dark” crop=”none” columns=”1″ adaptive=”yes” spacing=”yes” align=”none” max_width=”none” captions=”no” arrows=”yes” dots=”yes” link=”none” target=”blank” autoplay=”4″ speed=”medium” image_size=”large” outline=”yes” random=”yes”]