Сейсмология институтунун маалыматы боюнча 2022-жылдын 28-апрелинде таңкы саат 4:28де Ош облусунун аймагында жер титирөө катталган. Анын очогунда күчү 4 баллга жетти.
Жер титирөө Өзгөн районунун Шоро-Башат айылында 4 балл, Красный Маяк, Жыланды айылдарында 3,5 балл, Шералы, Кароол, Бакмал, Ничке-Сай айылдарында 3 балл, Жалал-Абад облусунун Сузак районунун Благовещенка, Бек-Абад, Сузак, Жар-Кыштак айылдарында 3 балл, Жалал-Абад жана Көк-Жаңгак шаарларында 2 баллга чейин сезилген.
Жер титирөөдөн жабыркагандар жана кыйроолор катталган жок.
