Ошто жол кырсыгынан 3 адам жабыркады. Бул тууралуу Өзгөчө кырдаалдар министрлигинин басма сөз кызматынан билдиришти.
Маалыматка караганда жол кырсыгы Ош шаарында 11-январь күнү саат 12:00дөр чамасында болгон. Анда “Хюндай Портер” жана “Дэу Тико” унаалары сүзүшүп, 60 жаштагы киши жана 37 жаштагы 2 аял жабыркаган.
Окуя болгон жерге барган ӨКМнын куткаруучулары жабыркаган адамдарды унаадан чыгарып, “Тез жардам” кызматкерлерине өткөрүп беришкен.
