Президент Садыр Жапаров январь айында кол койгон жана мамлекеттик авто-мектептердин ишмердүүлүгүнө байланыштуу жарлыкка өзгөртүүлөрдү киргизди. 19-августтагы өзгөртүүлөргө ылайык, автомототранспорт каражаттарынын айдоочуларын даярдоо жана кайра даярдоо боюнча билим берүү ишмердүүлүгүн жөнгө салууну өркүндөтүү боюнча апробациялык режим 30-августта аякташы керек болсо, эми 2026-жылдын 31-декабрына чейин узартылды.

Авто-мектептердин ишмердүүлүгүн көзөмөлдөө кирген Президенттин Иш башкармалыгына 1-сентябрга чейин пилоттук мезгилдин ишке ашырылышына мониторинг жүргүзүү, ал эми 1-октябрга чейин аралык жыйынтыктарды эске алуу менен иштелип чыккан ченемдик укуктук актылардын долбоорлорун президенттин администрациясына киргизүү тапшырылды.

Жарлык жарыяланган күндөн тартып жети күн өткөндөн кийин — 29-августта күчүнө кирет.

Эске салсак, апробациялык режим учурунда жеке авто-мектептерге айдоочуларды даярдоо жана кайра даярдоо боюнча мурда берилген лицензиялардын иштеши токтотулган. Бул мезгилде окутууну мамлекеттик авто-мектептер гана жүргүзүүдө.

Буга чейин, 2025-жылдын ноябрында, Кыргызстандын президентинин иш башкаруучусу Каныбек Туманбаев жеке авто-мектептер мамлекеттин карамагына өтөрүн билдирген. Анын айтымында, B категориясы боюнча окуу 10 ай, C категориясы боюнча 12 ай болот. 29-январда президенттин жарлыгы менен жеке авто-мектептердин иши токтотулуп, 10-февралдан тарта мамлекеттик авто-мектептерге кабыл алуу башталган.