Ош шаардык ички иштер башкармалыгынын кылмыш иликтөө бөлүмүнүн кызматкерлери тарабынан  мыйзамсыз сакталган АКС  үлгүсүндөгү  7.62 калибриндеги   Калашников автоматы алынды.

Ош шаардык милициясынын маалыматына караганда, бул куралды Кара-Суу районунун 1985-жылы туулган К.А. аттуу тургуну мыйзамсыз сактап жүргөндүгү аныкталды.

Алгачкы тергөөнүн  маалыматтарына караганда бул курал 2010-жылы,  июнь окуялары учурунда  коомдук тартипти орнотууга тартылган түзүмдөрүнүн биринен уурдалган.

Учурда алынган куралга карата соттук-баллистикалык, соттук-дактилоскопиялык экспертизалары дайындалып, тийиштүү тергөө, ыкчам иликтөө иштери жүргүзүлүп жатат.