Өзбекстандан Кыргызстанга ташылып келе жаткан 47 тонна 780 кг дарбыз артка кайтарылды. Бул тууралуу Айыл чарба министрлиги билдирди.

Маалыматка ылайык, «Кең-Сай» өткөрүү пунктунда жүргүзүлгөн фитосанитардык көзөмөл учурунда дарбыздын эки партиясында мыйзам бузуулар аныкталган. Биринчи партиянын тиешелүү фитосанитардык сертификаты жок болсо, экинчисинде талапка ылайык маркировка болгон эмес. Буга байланыштуу жүктү өлкө аймагына киргизүүгө тыюу салынган.

Өсүмдүктөрдү химиялаштыруу, коргоо жана карантин департаменти өлкөнүн фитосанитардык коопсуздугун камсыздоо максатында мамлекеттик чек араларда көзөмөл иштерин күчөтүлгөн тартипте улантып жатканы айтылды.