Өзбекстандан Кыргызстанга ташылып келе жаткан 24 миң 770 кг жаңы пияз «Достук» фитосанитардык көзөмөл пунктунан өткөрүлгөн жок. Бул тууралуу Айыл чарба министрлиги билдирди.

Маалыматка ылайык, текшерүү учурунда продукциянын таңгагында Евразия экономикалык бирлигинин (ЕАЭБ) талаптарына ылайык милдеттүү маркировка болбогондугу аныкталган.

Мыйзам бузуунун негизинде жүктү өлкө аймагына киргизүүгө тыюу салынып, пияз Өзбекстанга кайра кайтарылган. Мекеме өлкөнүн фитосанитардык коопсуздугун камсыздоо максатында мамлекеттик көзөмөлдү күчөтүлгөн тартипте жүргүзүү улантыларын кошумчалады.