Ош облусунун Өзгөн районунда милиция кызматкерлери түнкүсүн коомдук жайларда ата-энесинин коштоосу жок жүргөн өспүрүмдөрдү кармашты. Бул тууралуу облустук ички иштер башкармалыгынын басма сөз кызматы билдирди.

«Кафелер, ресторандар, түнкү клубдар жана компьютердик клубдар текшерилди. Жашы жете элек 8 өспүрүм түн ичинде коомдук жайларда улууларынын коштоосуз жүргөнү аныкталды. Алардын ата-энелерине ата-энелик милдеттерин аткаруудан качуу фактысы боюнча протоколдор түзүлдү», – деп айтылат маалыматта.

Маалым болгондой, рейд Ош облусунун ички иштер башкармалыгынын Коомдук коопсуздук кызматынын кызматкерлеринин демилгеси менен уюштурулган. Ага аймактык милиция кызматкерлери жана жаш өспүрүмдөр менен иштөө инспекторлору катышты.