Кыргызстанда футбол жөнүндө «Топ Юнайтед» аталышындагы көркөм сериалы тартылат. Бул тууралуу Маданият министрлиги билдирди.

Сериал кыргыз тилинде спорттук драмеди жанрында тартылат. Ал ушул жылы экранга чыгат.

Сюжеттин негизин улуттук курама команданын мурдагы оюнчусунун өспүрүмдөрдөн түзүлгөн футбол командасын машыктыруусу жана анын үй-бүлөсү менен болгон мамилеси түзөт. Анда үй-бүлө, достук жана спорт багытындагы темалар камтылат.

Сериалды «Кыргызсериал» чыгармачыл-өндүрүштүк бирикмеси, Кинематография департаменти жана «1.1 Studio» кинокомпаниясы тарабынан биргелешип тартууда.