Жогорку Кеңеш Жамааттык коопсуздук келишим уюмунун алкагында Казакстанга армия киргизүү боюнча маселени талкуулабай калды. Анткени, 90 депутаттын 39 гана катышкандыктан кворум болбой калды. Кворум болушу үчүн 46 депутат жыйынга келиши керек болчу.
Орус басылмалары Казакстанга ЖККУга тиешелүү куралдуу күч киргенин жазууда. Эске сала кетсек, Казакстанда 2-январдан бери газдын кымбатташына нааразы болгон эл бир канча мамлекеттик имараттарды басып алды. Казак армиясы менен жөн жай тургундар ортосунда кагылышуулар болуп, бир канча киши өлүп, бир канчасы ар түрдүү жараат алгандары айтылууда.
