Парламенттин төрагасы Нурланбек Тургунбек уулу шаар, район жана облус башчыларын көчөгө чыгып өзүн жарнамалап, блогер болуп кетти деп сынга алды.

Тургунбек уулу белгилегендей, алардын негизги милдети – жүктөлгөн иштерди аткаруу, ал эми эл баасын ошол учурда берет. «Сөзсүз эле пиар кылуунун кереги жок. Ош шаарынын мэри стилине жарашат, бирок башкаларга жарашпагандан кийин жөн эле маскара болуп кетет», — деди ал.

Төрага ошондой эле бийлик өкүлдөрүнө бир-экиден блогер жалдап алуу практикасынан баш тартып, ишке көңүл бурууну тапшырды.