Чүйдө Бишкек-Кайыңды каттамында жүрүп бара жаткан поездди таш менен урган өспүрүмдөр аныкталып, чара көрүлдү. Бул тууралуу Чүй облустук милициясы билдирди.

Маалыматта айтылгандай, 31-августа белгисиз адамдар Жайыл районунун аймагынан өтүп бара жаткан поездди таш менен уруп, айнегин сындырганы тууралуу маалымат келип түшкөн.

Ыкчам-иликтөөнүн жыйынтыгында, окуяга тиешеси бар Жайыл районунун 14, 11 жана 10 жаштагы өспүрүмдөр аныкталган.

Натыйжада өспүрүмдөрдүн жана алардын ата-энелери менен түшүндүрүү иштери жургүзүлүп, эскертүүлөр берилген. Ошондой эле алардын ата-энелерине Укук бузуулар жөнүндө кодексине ылайык протоколдор түзүлөрү айтылды.