Президент Садыр Жапаров Шотландиянын Глазго шаарында өтүп жаткан саммитке жеке учак менен кеткенин өлкө башчынын администрациясынан тастыкташты.
Маалыматка караганда, Президентке тиешелүү ТУ-154 учагы Түндүк Ирландия жана Улуу Британиянын атайын талаптарына жооп берилбестиги айтылып, жеке учак менен баруусу чечилген.
Айрым маалыматтарга караганда, “Манас” аэропортунан Embraer Lineage 1000 Дубай компаниясынын бизнес-класстагы учагы менен жыйынга жөнөгөн. Айрым ачык булактарда бул учактын ижара акысы саатына 12 миң Евро турат.
Кыргызстандын бийлик башчыларын ташыган «ТУ-154» учагы 1993-жылы чыгарылган. Айрым маалыматтарда айтылгандай, Жапаров жакында жаңы учак сатып алат.
Глазгодогу конференция климат боюнча эң масштабдуу иш-чара болуп саналат.
