Садыр Жапаровдун социалдык тармактагы билдирүүсүнөн кийин Туристтик экологиялык милиция Чолпон-Ата ипподромунун артындагы пляжды дароо тазалап чыкты.

Милиция бул тууралуу мэрияга 13-августта эле билдиргенин, бирок тиешелүү чечим кабыл алынбаганын маалымдады. Президент жээкти кыдырып кеткенден кийин милиция өз күчү менен ишти аткарган.

Эскерте кетсек, Президент Садыр Жапаров дем алыш күндөрү Ысык-Көлдүн жээгин жөө кыдырып, таштандыга толуп калганын айтып, элди тазалыкка үндөгөн.