Бажы кызматынын төрагасынын мурдагы орун басары Райымбек Матраимовдун камактагы убактысы узартылды.

Белгилүү болгондой, анын бөгөт чарасы Биринчи май райондук сотунда каралып, УКМКнын тергөөчүсүнүн өтүнүчү менен Матраимов 26-июнга чейин камакта калтырылган.

Эскерте кетсек, Райымбек Матраимов УКМК тарабынан Азербайжандан 26-мартта Бишкекке алынып келген.

УКМК Матраимов Кылмыш-жаза кодексинин 169-беренеси (адамды эркиндигинен мыйзамсыз ажыратуу) жана 222-берене (кылмыштуу кирешелерди адалдоо) боюнча шектелип жатканы кабарлаган.

Бирок кийинчерээк 222-берене алынып, анын ордуна 378-берене (чек араны мыйзамсыз кесип өтүү) кошулганы белгилүү болду.