Россия Кыргызстанга орус тилинде окуткан 9 мектеп куруп берет. Тиешелүү гранттык макулдашуу боюнча мыйзам долбоорун Жогорку Кеңеш биринчи окууда карап, колдоп берди.

Маалыматка ылайык, Россия 9 мектепти куруу үчүн акчаны Евразиялык өнүктүрүү банкы аркылуу бөлөт. Мектептер ар бир облуста жана Бишкек менен Ош шаарларында салынат. Курулуш аяктагандан кийин алар Кыргызстанга кайтарымсыз негизде өткөрүп берилет.

Аталган мектептерде окуу орус тилинде Кыргызстандын жана Россиянын билим берүү программасы боюнча жүргүзүлөт. Кыргыз тили сабак катары окутулат.