КР Коргоо министрлигинин аскер контингенти 2026-жылдын 11-сентябрынан 19-сентябрына чейин Казакстанда өтүүчү ЖККУнун (Жамааттык коопсуздук келишими уюму) Борбор Азия чөлкөмүндөгү Ыкчам жайылтуу жамааттык күчтөрүнүн «Рубеж-2026» биргелешкен машыгуусуна катышат.

Иш-чаранын алдында 73809-аскер бөлүгүнүн аймагында машыгууга катыша турган аскер кызматкерлеринин саптык кароосу өткөрүлдү.

Кароонун жүрүшүндө аскер кызматкерлеринин сырткы көрүнүшү жана аскердик кийими (формасы), жабдыктары (экипировкасы), аскердик техникасы, ошондой эле өздүк курамдын коюлган тапшырмаларды аткарууга даярдыгы текшерилди.