Президент Садыр Жапаров 7-сентябрда Бишкекте акыйкатчы Жамиля Жаманбаева менен жолугушту. Тараптар жарандардын укуктарын коргоо маселелерин жана тармактык мыйзамдардагы өзгөртүүлөрдү талкуулашты.

Жамиля Жаманбаева Акыйкатчы институтунун ишмердүүлүгү тууралуу отчет берди. Мамлекет башчысы жарандардын укуктарынын сакталышы мамлекеттик саясаттын негизги артыкчылыктарынын бири экенин белгиледи.

Президент акыйкатчынын аппаратынын кызматкерлерине укук коргоо органдарынын басымына карабастан жарандардын кызыкчылыгын коргоп, кыйноолор жана укук бузуулар боюнча түшкөн ар бир кайрылууну тыкыр иликтөөнү тапшырды.