Президент Садыр Жапаров климаттын өзгөрүшүнө арналган конференцияга катышуу үчүн Бириккен Араб Эмираттарына иш сапары менен барат. Бул тууралуу президенттин администрациясынын тышкы саясат бөлүмүнүн башчысы Муратбек Азымбакиев билдирди.
«БАЭдеги 30-ноябрдан 12-декабрга чейинки кезектеги Климаттык конференцияга дүйнө жүзү боюнча лидерлер чогулуп, климаттын өзгөрүшүнө каршы Париж келишимин ишке ашыруунун жүрүшүн талкуулашат жана глобалдык жылуулукту чектөө боюнча мындан аркы кадамдарды аныкташат», — дейт ал.
Белгилүү болгондой, 1-декабрда Садыр Жапаров жыйында сөз сүйлөйт. 2-декабрда БАЭ менен энергетика жана инвестиция жаатында бир катар биргелешкен документтерге кол коюу пландалууда.
«Иш сапар БАЭнин Улуттук күнүн майрамдоого мамлекет башчысы катышып, ошону менен аяктайт», — деди Азымбакиев.
Биздин Телеграм каналга катталыңыз
