Кыргыз Республикасынын президенти Садыр Жапаров бүгүн кечинде Лусаил стадионунда Франция менен Аргентина ортосунда өтүүчү футбол боюнча Дүйнө чемпионатынын финалына катышуу үчүн Доха шаарына жекшемби күнү келди. Бул тууралуу катардык ЖМК жазды.
Маалыматка караганда, Кыргызстандын президентин жана аны коштоп жүргөн делегацияны Хамад эл аралык аэропортунан Спорт жана жаштар министри Салах бин Ганим Аль Али жана Кыргыз Республикасынын Катар мамлекетиндеги элчиси Чыңгыз Эшимбеков тосуп алышты.
Президенттин басма сөз кызматы билдиргендей, Садыр Жапаров Катардын Эмири шейх Тамим бен Хамад Аль Танинин чакыруусу менен Катар мамлекетине иш сапары менен барды.
ардык жаңылыктар Телеграм каналда
