Бүгүн, 21-апрелде өлкө башчы Бахрейн Королдугуна король Хамад бин Иса Аль Халифанын чакыруусу боюнча учуп барды. Бул тууралуу президенттин басма сөз кызматы билдирди.

Жапаровду Манама шаарындагы аэропорттон Бахрейндин тышкы иштер министри Абдуллатиф бин Рашид Альзаяни жана башка расмий адамдар тосуп алышкан.

Бул иш сапардын алкагында өлкөлөр ортосунда эки тараптуу соода-экономикалык, маданий-гуманитардык кызматташуу жана аны өнүктүрүү маселелери каралат.

Ошондой эле эки өлкө ортосунда эки тараптуу документтердин топтомуна кол коюу күтүлүүдө.

Белгилей кетсек, бул Кыргызстандын президентинин Бахрейн Королдугуна жасаган биринчи расмий сапары.