Президент Садыр Жапаров Орусиянын президенти Владимир Путинди Россия күнү менен куттуктады. Бул тууралуу Россия Федерациясынын Кыргызстандагы элчилиги  өзүнүн Telegram-каналында билдирди.

Садыр Жапаров орус элинин көп кылымдык тарыхы, бай жана маданий мурастары мамлекеттик түзүлүштүн бекемделишине жана Россиянын өнүгүшүнө негиз болорун белгилеген.

Ошондой эле Кыргызстан менен Россиянын стратегиялык өнөктөштүк жана союздаштык принциптерине негизделген достук жана ишенимдүү мамилелерди жогору баалай турганын билдирген.

12-июнда Россия элинин мамлекеттик майрамы.