19-февралдан тарта Евразия экономикалык биримдигине мүчө-өлкөлөрдүн, анын ичинде Кыргызстандын жарандары үчүн Москва шаарындагы «Сахарово» көп функционалдуу миграциялык борборунда (ММБ) «2А» өзүнчө кабыл алуу тилкеси уюштурулду.

Тышкы иштер министрлигинин басма сөз кызматы билдиргендей, бул чара Кыргыз жарандарына узун кезекти айланып өтүп, көп функционалдуу миграциялык борбору тарабынан көрсөтүлгөн кызматтарды (медициналык кароодон өтүү, манжа изин каттоо, сүрөткө тартуу, каттоо жана башка) тез алууга жеңилдик берет.

Кыргыз тарап Орусияга Кыргызстандын жарандары үчүн өзүнчө коридор берүү маселесин тез арада чечкени үчүн ыраазычылык билдирет.