Мамлекеттик салык кызматы товарларды маркалоо системасында 11-июндан 15-июнга чейин техникалык иштер жүргүзүлөрүн билдирди. Буга байланыштуу айрым сервистер убактылуу иштебейт.

Чектөөлөр төмөнкү мөөнөттөрдө киргизилет:

• Ички маркалоо: Товарларды маркалоонун мамлекеттик автоматташтырылган маалыматтык системасына (ТМ МАМС) кирүү 11-июндан 15-июнга чейин мүмкүн болбойт.
• Тышкы маркалоо: Маркалоо коддорун заказ кылуу модулун (МКЗМ) колдонуу 13-июндан 15-июнга чейин чектелет.

Ишкерлерге маркалоо коддорун алдын ала заказ кылуу жана операцияларды техникалык иштер башталганга чейин аяктоо сунушталат.

Мекеменин маалыматында, бул техникалык иштер маркалоо системасынын операторунун алмашуусуна байланыштуу жүргүзүлүүдө. 25-майдан тарта оператордук функциялар «Альфа Телеком» ЖАКтан «Учкун» ААКсына өткөн. Системанын ишиндеги өзгөрүүлөр маалыматтарды көчүрүүгө жана параметрлерди жаңыртууга багытталган. Ошондой эле оператордун алмашуусу маркалоо коддорун алуу тартибин өзгөртпөйт.