Мамлекеттик салык кызматы кандай учурда карыз банктык эсептен өндүрүлөрү тууралуу түшүндүрмө берди.

Мекеменин маалыматында,  бул жобо 1996-жылдан бери эле ишке ашырылып келет. Ал Салык кодексинин 85-беренесине ылайык уюмдардын жана жеке ишкерлердин эсептерине гана жайылтылат жана жеке жактарга, же жарандардын жеке банктык эсептерине карата колдонулбайт.

Юридикалык жактар дагы  мойнуна алган салык карызынын суммасын төлөбөгөн же толук эмес төлөгөн учурда гана акча өндүрүлөт.

Эскерте кетсек, буга чейин Салык кызматы карызды өндүрүү үчүн  банк эсеби аркылуу, салык постун орнотуу, чыгууга чектөө, соттук өндүрүп алуу чаралары колдонуларын эскерткен.

Биздин Телеграм каналга катталыңыз