Айыл чарба министрлиги дыйкан-фермерлерди айдап-себүү иштеринде сапаттуу үрөндөрдү колдонууга чакырды.

Ошондой эле эгер дыйкандар колдонулган үрөндүн сапатын, сертификатталганын жана келип чыккан жерин тастыктай албаса, анда аларга жеңилдиктер берилбеши мүмкүн экенин эскертти.

Учурда мамлекет тарабынан төмөнкү жеңилдиктер жана колдоолор каралган:

• жеңилдетилген насыялар;
• ири чарбаларга 309-токтомдун негизинде жерлерди бөлүү;
• ири кооперативдергө көрсөтүлгөн ар тараптуу жардамдар.

Ошондой эле министрлик дыйкандар үчүн атайын программа иштеп чыгып жатканын маалымдады. Ал өсүмдүктөрдүн сапатын жакшыртып, түшүмдүүлүктү жогорулатууга багытталган.