25-апрелден тарта оңдоо иштерине байланыштуу Шабдан Баатыр көчөсүнүн түндүк тарабы Лермонтов көчөсүнөн Достоевский көчөсүнө чейин убактылуу жабылат.

Муниципалитеттин маалыматында айтылгандай, түштүк тарапты бойлой эки багытта кыймыл уюштурулат.

“Урматтуу шаардыктар, унаа сүйүүчүлөр жана борбор калаанын коноктору! Жол тыгындарын болтурбоо үчүн Бишкек шаарынын мэриясы маршрутту алдын ала пландап, жеке транспорттун ордуна коомдук транспортту колдонууну сунуштайт”-деп айтылат билдирүүдө.