Бишкектеги “Ала-Арча” комплексинин 3-кабатындагы 2 миң чарчы метр аянтты мамлекетке өттү. Бул тууралуу УКМК билдирди.

Коопсуздук комитети аны 344 миллион сомго баалады. 3-кабатта балдар аянтчасы жайгашкан. Эми андан түшкөн каражат Бишкек мэриясынын бюджетине өткөрүлөт.

Белгилей кетсек, Жогорку Кеңештин мурдагы депутаты, экс-вице-премьер-министр Аскарбек Шадиевге кызмат абалынан кыянаттык менен пайдалануу айыбы менен 2018-жылы кылмыш иши козголуп, ал 10 жылга эркинен ажыратылган. Шадиев өзү ошол жылы эле АКШга чыгып кеткен.

“Ала-Арча” соода комплекси экс-депутаттын конфискацияланган мүлктөрүнүн катарына кирип, бирок дагы мамлекеттик карамагына өтө элек болчу.

Биздин Телеграм каналга катталыңыз