Өзбекстандын президенти Шавкат Мирзиеевдин Кыргызстанга болгон мамлекеттик сапары жылдырылды. Бул тууралуу Reporter.kg’ге Тышкы иштер министрлигинин маалымат катчысы Чыңгыз Кустебаев билдирди.
Анын айтымында, Мирзиеевдин мамлекеттик сапары жыл аягына чейин өтөт.
«Өзбекстандын президентинин сапары жокко чыгарылган жок. Ал жылдырылып, жыл аягына чейин Жогорку Евразиялык экономикалык кеңештин отурумунан тышкары өткөрүлөт», — деди ал.
Буга чейин Мирзиеев Бишкекке ЕАЭБ саммитине катышуу үчүн 9-декабрда келери кабарланган. 10-декабрда мамлекеттик сапары болуп өтмөк.
Биздин Телеграм каналга катталыңыз
