Чүйдүн Сокулук районунун Төш-Булак айылындагы мурдагы «Карл-Маркс» колхозунун 1,24 гектар үрөн кампасы мамлекеттин балансына өткөрүлдү. Бул тууралуу УКМК кабарлады.

Маалыматка ылайык, кампанын имаратын жана ага таандык жердин бир бөлүгүн мурдагы айыл өкмөт башчысы С.Т.М. ээлеп, мыйзамсыз курулуш куруп, колдонуп келгени аныкталган. Ал эми үрөн кампанын негизги бөлүгүн жергиликтүү эл колдонуп келген.

УКМК буга чейин “Кадастр” мамлекеттик мекемесинин Сокулук филиалынын айрым кызматкерлери жеке кызыкчылыктарынан улам кампаны муниципалдык менчикке каттоодон баш тартып келгенин билдирди. Мурдагы айыл өкмөт башчы кампаны өз ыктыяры менен мамлекетке өткөрүп берген.