Учурда 600 миң кыргызстандык чет өлкөдө миграцияда жүрөт. Бул тууралуу эмгек, социалдык камсыздоо жана миграция министринин орун басары Бакыт Дарманкул уулу билдирди.

Дарманкул уулунун айтымында, мигранттарын көбү Россияда иштейт.

“Россия ИИМинин расмий маалыматы боюнча, 2024-жылдын жыйынтыгы боюнча миграциялык каттоодо 379 миң 949 адам турган”, – деди ал.

Ошондой эле Казакстанда 70 миңдей, Түркияда 32 миңдей, АКШда 40 миңге жакын, Кореяда 17 миңден ашык, Германияда 15 миңге жакын, Бириккен Араб Эмираттарында 10 миңден ашуун кыргызстандык бар.