Кечээ, 26-майдын кечинде Чүйдүн Сокулук районунун Ак-Жол айылындагы «Загородная усадьба» эс алуу жайында өрт чыкты. Бул тууралуу Өзгөчө кырдаалдар министрлигинин (ӨКМ) облустук башкармалыгы билдирди.

Өрт тууралуу маалымат саат 23:00 чамаларында түшкөндөн кийин окуя болгон жерге жалпы үч бөлүм, штаб жана ӨКМнын Чүй башкармалыгынын ыкчам тобу тартылган.

Жалын саат 00:03тө чектөөгө алынып, 00:57де толук өчүрүлгөн. Өрттүн жалпы аянты болжол менен 150 чарчы метрди түздү. Мекеме окуянын кесепетинен жабыркагандар жок экенин билдирди. Учурда өрттүн келип чыгуу себептерин териштирүү иштери жүрүүдө.