2026-жылдын июнь айынан баштап «Соң-Көл балык чарбасы» мамлекеттик ишканасынын кызматкерлери Соң-Көл көлүндө масштабдуу рейддик иш-чараларды жүргүзүшүүдө. Текшерүүлөрдүн негизги максаты — уникалдуу бийик тоолуу суу сактагычтын экологиялык абалын жакшыртуу жана андагы балык ресурстарын сактоо болуп саналат.

Көлдүн аянтын тазалоо учурунда адистер жалпысынан 37 000 метр мыйзамсыз орнотулган синтетикалык балык уулоочу торлорду аныктап, суудан чыгарышты. КР Айыл чарба министрлиги мындай уулоо куралдарын колдонуу биологиялык ар түрдүүлүккө олуттуу зыян келтирип, көлдүн мелиоративдик абалын буза турганын баса белгиледи.

Учурда мыйзамсыз шаймандарды аныктоо жана жок кылуу иштери күчөтүлгөн режимде улантылууда. Мекеме браконьерликке катуу тыюу салынганын эскертип, Соң-Көлдүн экосистемасын калыбына келтирүү үчүн жарандарды республиканын жаратылыш байлыктарына аяр мамиле кылууга чакырат.