Чүйдөгү Сосновка өткөрмө бекетинде жүк ташуучу унааларга чектөө киргизилди. Бул тууралуу Чүй облусунун Жол кыймылынын коопсуздугун камсыздоо башкармалыгы билдирди.

Аталган башкармалык кабарлагандай, аба ырайы кескин өзгөрүп, Бишкек – Ош жана Бишкек – Нарын – Торугарт унаа жолдоруна туман түшүп, кар жаап жатат. Жолчулар тарабынан кум-туз чачылууда.

Төө-Ашууда кар жаап жаткандыктан Сосновка өткөрмө жайында жүк ташуучу чоң унааларга чектөө киргизилди.

Жол тескөөчүлөр “Бишкек – Ош” жана “Бишкек – Нарын – Торугарт” унаа жолунда кызмат өтөөдө.