Бүгүн, 20-июлда Чүй облустук сотунда жарандык активист Тилекмат Кудайберген уулунун иши каралып жатат. Бул тууралуу оппозициялык саясатчы Жеңиш Молдокматов билдирди.

Анын айтымында, сотто Тилекмат Кудайберген уулун мөөнөтүнөн мурда бошотуу иши каралат.

“Адилеттүү болсо бошотуп берер. Бирок, ишеним жок! Жакындарына күч кубат! Бул кундөр дагы өтөт Кудайым буйруса”, – деп жазган ал.

Тилекмат Кудайберген уулу “Фейсбуктагы” баракчасы аркылуу “бийликти кулатууга чакырган” деп айыпталып 15-мартта кармалган.

Ал Жазык кодексинин 310-беренеси (Бийликти күч менен басып алууга ачык чакырыктар) жана 264-беренесине (Массалык баш аламандыктар) беренеси менен айыпталууда.