Чүй облусунун Жайыл районунда буга чейин Суусамыр дарыясына чөгүп кеткен айылдык кеңештин депутаты Бакир Исаковдун жансыз денеси табылды. Бул тууралуу Өзгөчө кырдаалдар министрлигинен кабарлашты.

Белгилей кетсек, 11-майда 42 жаштагы жаран сууга чөгүп каза болгон. Издөө иштерине 33 куткаруучу, 6 суучул, 10 милиция кызматкери жана 15 тууган тартылган.

Сөөк бүгүн табылып, туугандарына өткөрүлүп берилди.