.svg){kind=logo}
Төө-Моюнда медициналык жардам жакшыртылды: жаңы тез жардам унаасы жана санариптик флюорографМуратбек Азымбакиев Кыргызстандын Швейцариядагы элчиси болуп дайындалдыБишкектеги «Көк-Сай» курулуш базарында чыккан өрт толук өчүрүлдү7-августка карата аба ырайынын божомолуСадыр Жапаров Орусиянын аймактарына өнөр жай жана IT тармагындагы долбоорлорду сунуштадыӨзбекстан Борбордук Азиянын туристтик рыногунда сап башына чыкты — изилдөө
Сүйүнчү! Жоламан Шаршенбеков Олимпиаданын коло байгесин утту (видео)
06.08.2024 | 23:48
Грек-рим балбаны Жоламан Шаршенбеков Олимпиада оюндарынын коло байгесин утту.
Шаршенбеков 60 кг салмакта күч сынашты. Ал 5-августта, күрөштүн биринчи күнүндө килемге чыгып, таймашты 1/8 финалдан баштады. Биринчи беттешинде казакстандык Айдос Султангали 6:3 эсебинде жеңди.
Андан кийин чейрек финалда румыниялык Резван Арнаутту 9:0 эсебинде утту.
Финалга чыгуу үчүн япониялык Кеничиро Фумита менен кез келип, бирок 3:4 эсебинде жеңилүү ызасын тартып калды. Ошентип ал үчүнчү орун үчүн күрөшө турган болду.
Коло үчүн беттеш 6-августта өтүп, Жоламан Шаршенбеков ирандык Мехди Мохсен Нежад менен кез келди. Шаршенбеков ирандык атаандашын 3:1 эсебинде жеңип, Олимпиаданын коло байгесин утту.
