5-май күнү Лейлек району менен Сүлүктү шаарында сел жүрдү. Бул тууралуу Өзгөчө кырдаалдар министрлиги билдирди.

Райондун Сумбула, Ак-Суу, Катраң айыл аймактарында, Сүлүктү, Раззаков шаарында жана Ош — Раззаков унаа жолун суу каптап, үйдүн короолоруна кирген.

Сүлүктүдө 1 дүкөнгө, 7 үйдүн короосуна, 6 жертөлөгө сел суулары кирип, 5 убактылуу жасалган көпүрөнү агызган. Бир балдар бакчасынын тосмосунун 30 метрдей бөлүгү бузулган.

Учурда тазалоо иштери жүрүп жатат.