УКМКнын төрагасы Камчыбек Ташиевдин уулу Тай-Мурас Ош облусунун Кара-Суу районундагы Мады айылында селден жабыркаган 2 тургунга үй куруп берет. Бул тууралуу “Регион” телеканалынын жетекчиси Өткүрбек Рахманов билдирди.

Анын айтымында, Тай-Мурас Ташиев селден жабыркагандардан барып кабар алып, турак жайы жараксыз болуп калган эки үй-бүлөгө жаңысын куруп берүүнү убадалады.

Белгилей кетсек, 14-июль күнү Ош шаарында жана облустун бир нече айылдарында катуу сел жүрдү. Ал 800гө жакын үйгө кирип, 8ден ашык көпүрөнү жана бир катар социалдык мекемелерге зыян келтирген. Сел калаанын башкы базары аркылуу өтүп, ишкерлердин товарларын агызып кеткен.