Талас облусунда Жалпы республикалык тестирлөөдөн (ЖРТ) 200 жана андан жогору балл топтогон 63 бүтүрүүчү 50 миң сомдон акчалай сыйлык алышты. Бул тууралуу КР Президентинин облустагы ыйгарым укуктуу өкүлүнүн басма сөз кызматы билдирет.

Президенттин Талас облусундагы ыйгарым укуктуу өкүлү Эрмат Жумаев белгилегендей, билим берүүнү өнүктүрүү жана таланттуу жаштарды колдоо мамлекеттик саясаттын артыкчылыктуу багыттарынын бири бойдон калууда.

Анын айтымында, акчалай сыйлык – бул жетишилген ийгиликтер (натыйжалар) үчүн дем берүү гана эмес, бүтүрүүчүлөрдүн, алардын мугалимдеринин жана ата-энелеринин эмгегин баалоо, ошондой эле мындан ары өнүгүүгө түрткү болуп саналат.