.svg){kind=logo}
Шакира 18-октябрда Бишкекте концерт берет — билеттер 1-октябрда сатыла баштайт«Бишкекгаз» Ленинское айылында 30-сентябрдан 2-октябрга чейин газ берүүнү токтототКыргызстанда санариптик далилдерди мыйзамдаштырып, виртуалдык активдерге камак салуу сунушталуудаБишкекте үй-тиричилик товарларын жана техникаларын чыгарган өндүрүштүк аянтча ачылдыКыргызстанда кайсы өсүмдүктөрдү жыйноого, колдонууга жана сатууга болбойтБишкектеги Г. Айтиев атындагы музейде байыркы кол жазмалар тууралуу лекция өтөт
Талас облусунда ЖРТдан жогорку балл алган 63 бүтүрүүчү 50 миң сомдон алышты
09.07.2026 | 18:11
Талас облусунда Жалпы республикалык тестирлөөдөн (ЖРТ) 200 жана андан жогору балл топтогон 63 бүтүрүүчү 50 миң сомдон акчалай сыйлык алышты. Бул тууралуу КР Президентинин облустагы ыйгарым укуктуу өкүлүнүн басма сөз кызматы билдирет.
Президенттин Талас облусундагы ыйгарым укуктуу өкүлү Эрмат Жумаев белгилегендей, билим берүүнү өнүктүрүү жана таланттуу жаштарды колдоо мамлекеттик саясаттын артыкчылыктуу багыттарынын бири бойдон калууда.
Анын айтымында, акчалай сыйлык – бул жетишилген ийгиликтер (натыйжалар) үчүн дем берүү гана эмес, бүтүрүүчүлөрдүн, алардын мугалимдеринин жана ата-энелеринин эмгегин баалоо, ошондой эле мындан ары өнүгүүгө түрткү болуп саналат.
