Республикалык ден соолукту чыңдоо жана массалык коммуникация борбору жай мезгилинде ичеги-карын инфекцияларынын жана тамак-ашка уулануунун алдын алуу чаралары тууралуу эскертти.

Борбордон белгилешкендей, мындай оорулардын алдын алуунун тегерегинде кеңири таралган мифтер (жаңылыш түшүнүктөр) аз эмес. Пайдалуудай көрүнгөн айрым кеңештердин чындыгында илимий негизи жок жана алар ден соолукка коркунуч жаратышы мүмкүн.

Адистер далилденген сунуштамаларга таянууга жана кеңири таралган жаңылыш пикирлерге ишенбөөгө чакырышты.

Ошондой эле борбордон эң популярдуу мифтердин чечмеленишин жана ичеги-карын инфекциялары менен тамак-ашка уулануу коркунучун чындап азайтууга жардам берген сунуштамаларды даярдашканын билдиришти.