Кечээ, 30-октябрда Таласта көк бөрү боюнча өлкө чемпионатында көрөрмандар мушташа кетти. Бул маалыматты Reporter.kg’ге Талас шаардык милициясы ырастады.
Мушташкандарды милиция кызматкерлери арачалаган.
Көк бөрү боюнча мелдеш Р. Алканов атындагы ат майданда 25-30-октябрь күндөрү болуп өттү. Кечээ мелдештин финалдык беттештери болгон.
Мелдештин жыйынтыгы:
Биринчи орун (чоңдор) — Талас;
Экинчи орун (чоңдор) — Чүй;
Үчүнчү орун (чоңдор) — Ош.
Биринчи орун (жаштар) — Чүй;
Экинчи орун (жаштар) — Нарын;
Үчүнчү орун (жаштар) — Талас.
Мыкты оюнчу (чоңдор): Кушчубай Илис уулу (Талас);
Мыкты аргымак: Көк-Мончок (Чүй);
Мыкты оюнчу (жаштар): Калкаман Акбаржан уулу (Чүй);
Мыкты аргымак (жаштар): Арча-Тору (Нарын).
Биздин Телеграм каналга катталыңыз
