Мамлекеттик салык кызматы Талас облусундагы «Чоң-Капка» өткөрмө пункту аркылуу ЕАЭБ өлкөлөрүнөн эсепке алынбаган унду мыйзамсыз алып кирүү аракетин аныктады. Бул тууралуу мекеменин басма сөз кызматы билдирди.

Маалыматка ылайык, рейддик көзөмөлдүн жүрүшүндө төрт жүк ташуучу унаа текшерилген. Анда коштомо документтерде көрсөтүлгөн көлөм менен иш жүзүндөгү ундун өлчөмү дал келбестиги такталган. Натыйжада 20 тонна ун эсепке алынбаганы белгилүү болгон. Товардын болжолдуу баасы 800 миң сомду түзөт.

Учурда жүк ташуучу унаалар айып короосуна токтотулуп, мыйзам бузган жарандарга карата тиешелүү чаралар көрүлүп жатканы айтылды.