Талас шаарында пара опузалоого шектелип милициянын тергөөчүсү кармалды. Бул тууралуу УКМКдан билдиришти.

Маалым болгондой, Талас шаардык милициясынын тергөөчүсү Б.Б. кылмыш ишин жабуу үчүн бир жарандан 40 миң сом опузалаган.

17-сентябрда ал пара алып жатканда, УКМК жана ИИМдин Ички иликтөө кызматы тарабынан колго түшүрүлгөн. Ал убактылуу кармоочу жайга камакка алынды.

Учурда бул ишке тиешеси бар адамдарды аныктоо боюнча тергөө жүрүүдө.