Бүгүн, 9-июндагы Жогорку Кеңештин жыйынында депутат Динара Ашимова таштанды полигонун калыбына келтирүү боюнча алынган насыянын кандай пайдаланылганы боюнча иликтөө жүргүзүүнү сунуштады.

Анын айтымында, Бишкек шаарындагы таштанды полигону боюнча маселе бир нече жылдан бери чечилбей келет.

“Бул маселени чеүү үчүн ал тургай 22 млн евро насыя алынып, бирок аягына чыккан жок. Түтүнү токтобогон жай, шаардын экологиясына коркунуч келтирүүдө. Андыктан бөлүнгөн каражаттын кандай пайдаланылганын иликтөө боюнча протолдук тапшырма берүүбүз кажет”, – деди депутат.