.svg){kind=logo}
Бишкекте сүрөтчү Жыргал Матураимовдун жеке көргөзмөсү ачылатТогузунчу талапкер: Амур Айба Медер президенттик шайлоого катышууга арыз берди«Яндекс Go» компаниясынын «Элдик гид» сынагына эмгектерди кабыл алуу 30-ноябрга чейин узартылдыЧолпон-Ата шаарында жаштар борбору ачылдыБишкекте өтө турган Азия кубогунун тандоо оюндарына Кыргызстандын U-17 курамы аныкталдыОш электр тармактары ишканасынын кампа башчысы электр зымдарын сатууга шектелүүдө
Текшерүүнүн жыйынтыгында “Tez Jet” авиакомпаниясынын лицензиясы жокко чыгарылды — ЖАМА
10.07.2026 | 11:56
Жарандык авиация мамлекеттик агенттиги (ЖАМА) жүргүзүлгөн текшерүүнүн жыйынтыгында “Tez Jet” авиакомпаниясынын лицензиясын жокко чыгарды.
Эскерте кетсек, 7-июлда “Tez Jet” авиакомпаниясынын Бишкек — Ош багыты боюнча каттамды аткарып жаткан учагы шассисинин бузулушунан улам уча албай калган. Алдын ала маалыматтар боюнча, учактын бортунда 181 жүргүнчү, анын ичинде 18 бала болгон. Эч ким жабыркаган эмес.
Агенттиктин маалыматы боюнча, текшерүү учурунда Кыргызстандын авиациялык мыйзамдарынын талаптарын одоно бузуу фактылары аныкталган, алар учуу коопсуздугун камсыздоого түздөн-түз таасирин тийгизет.
Аныкталган мыйзам бузуулардын негизинде авиакомпаниянын лицензиясын жокко чыгаруу чечими кабыл алынды.
«Жарандык авиация мамлекеттик агенттиги авиакомпаниянын аталышына, тарыхына, бизнесинин масштабына же рыноктогу ордуна карабастан, эгерде анын ишмердүүлүгү учуу коопсуздугуна коркунуч жаратса, каалаган эксплуатантка карата мындан ары да принципиалдуу жана катаал чечимдерди кабыл алат», — деп белгилешти мамлекеттик агенттиктен.
Анара Мамытова
Рубрики: Жаңылыктар
