Аскердик-саясий кырдаалдын туруксуздугуна жана Палестина-Израиль чатагынын андан ары курчушуна байланыштуу Кыргызстандын Тышкы иштер министрлиги кыргызстандыктарга Ливандан чыгып кетүүнү, ошондой эле Жакынкы Чыгыштагы жаңжалдан жабыркаган өлкөлөргө баруудан баш тартууну сунуштайт. Бул тууралуу Тышкы иштер министрлигинен маалымдашты.
«Министрлик ошондой эле Израилде жүргөн Кыргызстандын жарандарын туруктуу каттамдар менен өлкөдөн чыгып кетүүгө чакырат», — деп билдиришти ведомстводон.
Тышкы иштер министрлигинин басма сөз кызматы Кыргызстандын жарандары өзгөчө кырдаалдар же шашылыш суроолор боюнча министрликтин консулдук башкармалыгынын ишеним телефонуна: +996 (999) 312 002 номери боюнча кайрылса болорун эскертет.
Биздин Телеграм каналга катталыңыз
