Тышкы иштер министрлигинин консулдук кызмат департаментинин биринчи катчысы Марлен Калиев каза болду. Бул тууралуу аталган министрликтен билдиришти..
Маалыматка ылайык, Марлен Калиев өлкөнүн дипломатиялык тармагында 2006-жылдан бери иштеп келген. Май айында ал 45 жашка толгон.

“Министрликтин борбордук аппаратынын жана чет өлкөлөрдөгү мекемелердин, дипломатиялык кызмат органдардын системасынын ведомстволук уюмдардын жамааты Марлен Калиевдин мезгилсиз дүйнөдөн кайткандыгына байланыштуу, анын бир туугандарына жана жакындарына терең кайгыруу менен көңүл айтат “, – деп жазылат билдирүүдө.

Маркумдун өлүмүнүн себеби айтылган жок.