Жалал-Абаддын Тогуз-Торо районундагы №11 Саймалуу-Таш орто мектеби өрттөндү. Бул тууралуу Өзгөчө кырдаалдар министрлиги билдирди.

Өрт мектепте 15-декабрда болжол менен саат 18:46ларда чыгып, саат 22:28де толугу менен өчүрүлгөн.

Өрт өчүрүүчүлөр мектепке улай салынып, 2020-жылы пайдаланууга берилген ашкананы сактап калган. Ошондой эле жергиликтүү элдин көмөгү менен китеп, парта ж.б. эмеректер чыгарылган.

Бактыга жараша жабыр тарткандар жок.