Жакынкы күндөрү Токмок шаарында Ислам академиясы ачылат. Бул тууралуу президент Садыр Жапаров Түрк мамлекеттеринин диний лидерлеринин делегациясы менен жолугушууда билдирди.

Академия диний сабаттуулукту жогорулатууга, дин кызматкерлерин кайра даярдоого жана алардын квалификациясын арттырууга багытталган.

Садыр Жапаров түрк дүйнөсүндө дин жаатындагы кызматташуунун маанилүүлүгүн белгилеп, ислам баалуулуктарын улуттук салттар менен айкалыштыруу коомдун адеп-ахлагын чыңдай турганын айтты.